बारा । बाराको निजगढ नगरपालिकामा नेपाली काँग्रेस भातृ संगठन तरुण दलका नगर संयोजक प्रहार ढुंगानाले Gen–Z आन्दोलनप्रति ऐक्यबद्धता प्रकट गरेका छन् ।
सोमबार भदौ २३ गते देशभरी भएको जेन–जेड आन्दोलनलाई सरकारले निहत्था दमन गरेको भन्दै उनले कठोर शब्दमा आपत्ति जनाए । ढुंगानाले आफूले नेतृत्व गर्ने संगठनका तर्फबाट अब कुनै पनि गतिविधिमा सक्रिय सहभागी नहुने स्पष्ट पारेका छन् ।
गत भदौ ६ गते जिल्ला कार्यसमितिको निर्णयअनुसार ढुंगानालाई तरुण दलको नगर संयोजकको जिम्मेवारी दिइएको थियो । नगरका १३ वटै वडामा संगठन निर्माण र विस्तारको जिम्मा पाएका उनले अहिलेको आन्दोलन युवाको अधिकार र लोकतान्त्रिक स्वतन्त्रताको पक्षमा रहेको ढुङ्गानाको भनाई छ ।
उनले भने, “शान्तिपूर्ण आन्दोलनमा युवामाथि भएको दमन अस्वीकार्य छ । हामी युवा पीढाको आवाजसँग दृढतापूर्वक उभिएका छौँ ।”
Discussion about this post