बारा । योङ स्टार युनाइटेड फुटबल युवा क्लबद्वारा आयोजित तेस्रो लोछार कप प्रतियोगिताको उपाधि भिडन्तमा रतनपुर युनाइटेड र विरगंज युनाइटेड प्रतिस्पर्धा हुने भएको छ ।
निजगढ-१०, लाल बुद्धचोक फुटबल खेल मैदानमा भोलि (शनिबार) फाइनल भिडन्तमा दुवै टोलीले उपाधि जित्ने लक्ष्यका साथ मैदानमा उत्रने छन् ।
यही माघ ३ गते देखि सुरु भएको खुला नकआउट फूटबल खेल प्रतियोगिताको सेमिफाइनलमा विरगंजले एभरेष्ट सर्लाहीलाई २–० गोलअन्तरले पराजित गरेको थियो ।
स्थानीय दर्शकहरु विरगंजलाई राम्रो टोलीको दृष्टि कोणले हेर्ने गर्छन । जब की विरगंजले एभरेष्ट जस्तो बलियो टोलीलाई हराएको थियो । त्यसैले भोलि निकै प्रतिस्पर्धात्मक खेल हुने अनुमान गरेको छ । त्यस्तै हिजो भएको सेमिफाइनल खेलमा रतनपुरले बेङ्खाडीलाई पराजित गर्दै फाइनल यात्रा तय गरेको थियो ।
रतनपुरलाई लाल खेलमैदानको पुर्ण परिचीत रहेकोले मनोबल उच्च रहेको र जितकै लागि खेल्ने दाउपेचमा छन ।
रतनपुरले सेमिफाइनलको खेलमा बेङ्खाडीसँग उत्कृष्ट खेल खेल्न नसके पनि भोलिको खेलमा उपाधि जित्ने मनोबलका साथ खेल प्रदर्शन गर्ने विश्वास रतनपुर वासीहरुको रहेको छ ।
विरगंज र रतनपुरबीचको फाइनल खेल दिउँसो २ः०० बजेदेखि सुरु हुनेछ।
Discussion about this post