मकवानपुरका शिक्षकमाथि सर्लाहीमा गोली प्रहार

बारा । रौतहट र सिन्धुलीको सीमा क्षेत्रमा अज्ञात समूहले गोली प्रहारबाट मकवानपुरका एक जना शिक्षक घाइते भएका छन ।

गोली प्रहारबाट मकवानपुरको बकैया गाउँपालिका-३ हात्तिसुढेमा रहेको बुद्ध माध्यमिक विद्यालयका प्रधानाध्याक प्रेमबहादुर बम्जन घाइते हुन पुगेको हो । रौतहटको गैंडाटारस्थित आफन्तलाई भेटर घरतर्फ फर्किंदै गरेको अवस्थामा सिन्धुलीको हरिहरपुरगढी गाउँपालिका सिन्धुली कर्मैया सडक खण्डमा गोली प्रहार भएको खुलेको छ ।
मोटरसाइकल चलाएर हिँडिरहेको अवस्थामा ३ जनाको समूहमा रहेका नचिनेका मानिसहरुले बम्जनलाई रोकेर नल कटुवा बन्दुकले गोली प्रहार गरेका हुन । हेलमेट लगाएका कारण बम्जनको दाहिने गाला छेडिएको र गोली बंगारामा अड्किएको बताइएको छ ।
बम्जनले चलाएको प्रदेश २-०३- ००६ प ८५५४ नम्बरको मोटरसाइकल पछाडि उनका भाइ दिलबहादुर बम्जन सवार रहेकोमा उनी सकुशल रहेको छ । मकवानपुरको बागमती गाउँपालिका-१ बोटगाउँ घर भएका प्रअ बम्जनमाथि घर फर्कने क्रममा ३ जनाको टिलिले गोली प्रहार गरेको जिल्ला प्रहरी कार्यालय सिन्धुलीले जनाएको छ । बाटो ढुकेर गोली प्रहार गरेको देखिएकोले व्यक्तिगत दुश्मनीका कारण बरदात भएको हुनसक्ने प्रहरीको आशंका छ । घाइते बम्जनलाई सर्लाहीमा सामान्य उपचारपछि थप उपचारका लागि वीरगञ्ज पठाइएको परिवारिक श्रोतले जनाएको छ ।