समाजसुधारलाई टाईब्रेकरमा हराउँदै जुनताराको चम्किलो जित

बारा । समाजसुधर युवा क्लबलाई पेनाल्टी सुटआउट्मा पराजित गर्दै जुनतारा युवा क्लब लालीगुराँस नकआउट फूटबल प्रतियोगिताको दोश्रो चरण प्रवेश गरेको छ । गोलरक्षक सुजन लामाले पेनाल्टी सुटआउटमा दुई वटा पेनाल्टी बचाउँदै ४-२ को जित निकालेपछि बुधबार जुनतारा युवा क्लब जुनतारा जस्तै चम्किएर दोस्रो चरणमा प्रवेश गरेको हो ।

बाराको निजगढ नगरपालिका वडा नम्बर ३ सिङ्गौल स्थित लालीगुराँस युवा क्लबले आयोजना गरेको प्रथम लालीगुराँस कपकालागी आज भएका खेलको समयअबधीको बराबरीमा रोकिएको थियो । बराबरीको खण्डमा खेल सिधै पेनाल्टी सुटआउटबाट निर्धारण हुने प्रावधान रहेको छ । त्यसकारण खेल निर्धारित समयमा गोल रहित को बराबरीमा सकिएपछि टाईब्रेकर भएको थियो ।
टाईब्रेकरमा समाजसुधारका कप्तानले पेनाल्टीमा गोल गर्न सकेनन् । उनको पेनाल्टी क्रसबारमा लागेर बाहिरियो । त्यसपछि जुनतारा  चम्किए । जुनताराले सबै गोल गरे ।

जुनताराले खेलअवधिमा गोल गर्ने मौका केही मात्र पाएका थिए । समाजसुधारले पटक पटक मौका गुमाए । त्यसैको नतिजा खेल सुटआउटमा धकेलेका थिए । र अन्ततः टाइब्रेकरमा जुनतारा विजय भयो ।